年花開

	媽：爸爸快Ｄ幫我地影番張相，終於等到水仙花開喇
	思捷：又話唔洗著件二世祖衫？
	爸：你就怪今年冬天又凍又長，Ｄ年花遲遲都未開喇 思捷：唔制！

繼續閱讀...

只顯示節錄...

繼續拜年

	思捷：今日去姑媽姑丈度繼續拜年活動，只要唔洗畀人話二世祖就得喇
	思捷：姑丈，你隻狗好趣緻喎
	姑丈：好喇，我地出去行街街同食飯，思捷都坐我車喇
	思捷：咁我今晚餐粥仔呢？ 媽：我地去沙田西田行街，果度有間ＢＢ餐廳，到時買野畀你食
	爸：有喇，快Ｄ食，人地打烊架喇 思捷：吓？咁細份，邊夠飽呀？仲收七點咁早添？

繼續閱讀...

只顯示節錄...

是日休息（拜年）

思捷：由於工人姐姐連放三天假，屋企有大把日用品食品飲品通通都要補給，所以今日拜年活動要休息，爸媽出去“血拼”，我終於有覺好瞓

血拼（國語讀音）＝ Shopping

繼續閱讀...

只顯示節錄...

二世祖

	思捷：好野！拜年活動結束喇，唔洗再比媽媽笑我著住件二世祖衫喇
	爸：邊個話唔洗拜年？不過，喱件衫甩毛又披兼畀你拆左個銅錢裝飾，就唔再著喇，好彩媽媽買得平啫～
	思捷：係喇，我仲等緊媽媽織既腰封 爸：咦，思捷，點解媽媽織緊既冷針系你手度？

繼續閱讀...

只顯示節錄...

新春煙花

	嘩！
	媽：思捷，煙花係咪好大聲呢？有無嚇親？
	思捷：無，爸爸同我預演過喇，現場睇又真係幾靚喎

P.S. 每逄過年，都好似唔記得星期幾同幾多號，只係記得年初幾，即使要同人溝通也是用農曆作準，你話幾神奇呢

繼續閱讀...

只顯示節錄...

大年初一

	媽：思捷，做咩今日唔請請呀？（請請：工人姐姐教曉思捷的恭喜動作）
	思捷：唔知點解呢，我一同人請請，人地就同我講恭喜發財架嘞，係咪好怪呢？

P.S. 本來想帶思捷四圍去拜年，點知今年同人無乜緣，好難約，甚至被打亂了時間，所以惟有再約罷了

另外當看到電視有花車巡遊時，見到一些熱女郎大跳熱舞，忽發奇想若果有高清電視，唔知睇唔睇到熱女郎凍到起晒雞皮呢？

繼續閱讀...

只顯示節錄...

團年飯

思捷：爸爸話，往年食團年飯要分上半場同下半場，仲要年尾最後一日食，做咩今年都唔係咁？ 爺：早Ｄ食，留番正日畀你同爸爸媽媽食喇

繼續閱讀...

只顯示節錄...

行花市

往年，思捷未出世前，都會在花市最後一晚去逼花市，買點鮮花過年，人群肩踫肩，兩三個球場闊度，卻要用比蟻速還要慢地前進，由維園外圍開始計，往往要花幾小時才逼得完，遇到逆行人仕大家都很齊聲鼓譟一番，氣氛特別濃

一Ｂ在手，遊戲玩法又唔同，同樣行花市，同樣維園，但多了個Ｂ，而且是一個很重而又未曉行既Ｂ，要行花市就得推ＢＢ車，要推ＢＢ車就要人少時段，人少時段就要日間，日間行花市就要星期六日，所以，我地揀在一日又落雨又最凍既日子行花市

由於太凍關係，我地飲過熱維他奶，急步行過一圈，順度探探兩位ＥＥ班，買過風車給思捷，然後急急腳走人

繼續閱讀...

只顯示節錄...

媽媽牌椰汁年糕

華麗園年糕雖然好食，之但係由幾年前五十幾蚊一底細年糕到上年八十幾蚊一底，加價幅度都咪話唔得人驚，至於今年賣幾多錢？唔關我事喇～，話說上年媽媽同爸爸去辦年貨時，看到華麗園既年糕都有點汗顏，然後媽媽就話：年糕好易整之嘛！於是媽媽趁思捷仲未肯出世時，搜集一下資料後，腹大便便既媽媽就咁整了幾底，全都很好食，比得上華麗園，而且成本平；今年媽媽再做，思捷和姐姐都很喜歡

大家可以趁農曆新年整番底同你既屋企人分享下！

材料:
糯米粉 220g
澄麵/粘米粉 100g
砂糖 150g
椰汁400ml
水 150ml
油 1tbs
糕盤19cm / 8inch

做法:
1. 糕盆掃油,熱水蒸糕
2. 糯米粉及粘米粉篩勻,加入椰汁拌勻成麵漿。
3. 水份放入煲煮滾,轉慢火,加入糖份溶解。將以上溶液徐徐加入麵漿內,不停地拌勻,以免起粉粒。
4. 將麵漿倒入糕盆,(可在糕面加紅棗粒)。
5. 用錫紙蓋著糕盤,放入熱水中蒸約五十分鐘。

繼續閱讀...

只顯示節錄...