小心碌落山

今晚走去同婆婆切蛋糕，可能去既時候思捷見自己上梯級都幾得心應手，回程時行到正街頂梯級邊，自信地用力甩開媽媽隻手，然後再甩開爸爸隻手，想表演落梯級。無錯，就係街知巷聞既正街，由街頂碌落山會經過高街，然後到第三街，再落第二街，好快就去埋第一街同皇后大道西，直出山腳電車路，順利的話碌五條街就會停；我地當然唔會畀喱件事發生喇，所以當思捷踏出第一步，就牛咁眼望實佢，睇住佢右腳踢左腳，冷汗都黎唔切流就要出手；位於較前位置的媽媽立即按住思，電光火石之間，只見被按著在梯級間的思捷頭破血流，爸爸抱住思捷跑回家止血。大家見思捷無大礙都鬆了口氣，反正準備消毒用品要花點時間，不如幫思捷影番幾幅相。
至於電光火石間，是思捷跌傷，還是媽媽無心落井下石就不得而知了。

繼續閱讀...

只顯示節錄...

痛

	思捷：爸媽話，迪欣湖既草地好柔軟，叫我雙腳親親大自然咁話
	思捷：仲同我玩各色各樣玩意，最後仲送左好幾條木刺落對腳度 媽：仲好講，有得玩，痛都唔出聲
	千足蟲：我路過，唔好踩我
	思捷：點知哎痛會唔會無得玩喎？
	媽：咁依家仲痛唔痛？ 思捷：痛？你唔見我好忙咩？

繼續閱讀...

只顯示節錄...

行街街

記得媽媽講過，好少行商場幫思捷影相，今日去太古城行街影相，帶思捷走入危險地帶”玩具反斗城”，尤其是玩具車一行，差點有入無出，不過還是買了盒LEGO畀思捷；之後行埋Apita，思捷行路唔帶眼，撞左埋檯角，睇見肉都赤埋～，好彩散得快，無撞到隻眼

繼續閱讀...

只顯示節錄...

Ivo仔

	思捷：黎公園玩滑梯點解要坐Uncle John架車去咁遠呀？ 媽：因為Auntie Nancy呢...
	思捷：莫非喱度Ｄ蚊大隻Ｄ毒Ｄ？ 媽：系Baby Kingdom度識既朋友個ＢＢ....
	思捷：定係人地既ＢＢ車多野玩Ｄ？ 媽：...整親，所以一齊黎探下人嘛～ 思捷：又真係應該黎問候下既～

繼續閱讀...

只顯示節錄...

刀疤捷

	旁白：思捷仔，你幾時變左刀疤捷？點樣整親？ 刀疤捷：咦！？你又知！？
	刀疤捷：係咁既，今日爬上窗台，唔小心跌左落地啫
	刀疤捷：學我老豆講，跌低左唔緊要，最緊要係識自己企番起身
	旁白：咁點解仲咪住個咀呀？ 刀疤捷：起番身都仲痛架嘛～

繼續閱讀...

只顯示節錄...

床床檯檯

經過幾日觀察，思捷瞓碌架床可以話無問題，佢仲要好快咁識自己落床添，無人可以困住佢，不過，系拆ＢＢ床之前，仲有個問題，就係佢會系姐姐最忙既時候入廚房，所以我地就裝左個廚房欄

廚房欄裝好之後，拆ＢＢ床，順便應公公婆婆要求，降低食飯檯，所以拆埋食飯檯下半部，然後打包到爸爸公司～

既然思捷瞓碌架床，咁上格床又係咪畀姐姐瞓？原本就係，不過姐姐怕思捷會半夜爬出廳無人知，所以佢提議打地舖～

至於張食飯檯矮左係咪安全Ｄ？就因為矮左，思捷可以自己爬上椅上面企，就係咁，有一日佢跌左落地兩次～，而之前高檯有大人看住，所以未跌過

繼續閱讀...

只顯示節錄...

碌架床

	思捷：好野！有得自己一個瞓單人床
	媽：好喇思捷，又到講古仔時間喇，從前有個ＢＢ，佢爬床欄爬得愈黎愈叻，佢爸爸媽媽怕佢跌得好甘，所以打算畀佢瞓碌架床，仲舖埋膠墊添，自此以後，ＢＢ就可以快快樂樂咁跌黎跌去喇
	思捷：喱個古仔好感人喎

繼續閱讀...

只顯示節錄...

一隻襪仔

	思捷：哇哈哈哈！
	爸：思捷，有咩咁好笑？
	思捷：咪有人著住一隻襪囉，一隻有一隻無，幾醜怪！
	思捷：仲以為甩左一隻襪添呀！哈哈！
	思捷：奉勸各位ＢＢ，未識企唔好勉強，爆腳甲而要著一隻襪黎保護都幾醜怪～

繼續閱讀...

只顯示節錄...