思捷仔成長日誌: 1歲4個月

顯示包含「1歲4個月」標籤的文章。顯示所有文章

2008年7月23日

思捷除了識得轉圈之外，經過媽媽同佢反覆練習，思捷識認中文字喇！而果個字就係“爸爸”，至於媽媽呢？Sorry喇，唔知係次序問題，定係已經無乜心機，就係唔認得，無計

爸爸用的Ipod touch，裡面會有flash card畀思捷回憶事物，有思捷喜歡的兒歌影片，又有一些對大人來說無無謂謂既Apps，但對思捷來講很有趣味的玩意，其中一個是bubbles，如果大家有iphone或ipod touch，可以download個黎無聊一下

Iphone/Ipod touch既簡易操作，連思捷幾個月前已經可以自己揀相睇，撥左撥右都無問題，最近控制小肌肉更得心應手，Unlock，揀自己喜歡Apps，double click，唔滿意就按home button，部機好似係佢咁樣。

講番flash card，我地分開文字和圖片，ipod touch的確方便思捷揀相睇，但亦同時方便佢skip文字，只停留在有興趣的圖片上，例如交通工具，所以ipod touch既flash card都只能夠是一個輔助形式罷了～

圖中既思捷講緊：bubbles!

	媽：Heather，食唔食藍莓呀？ Heather：唔食喇，興趣唔大
	思捷：咁就好囉，等我食晒佢媽：思捷，仲要留番Ｄ畀謙謙哥哥食
	思捷：謙謙哥哥咁慢，我落水先喇
	思捷：嘩！表舅父送喱隻艇好架勢喎
	媽：係呀，剛剛好替換漏氣既超級快艇思捷：謙謙哥哥！仲唔快Ｄ落黎？
	謙：黎黎黎！你都等我帶埋隻艇黎個首航儀式
	Auntie Louise：Heather，唔洗驚，黎多幾次沙灘就唔洗怕

	思捷：嘩！喱度邊度黎架？
	思捷：好似去左另一個世界咁
	思捷：就好似電影【魔幻王國：獅子‧女巫‧魔衣櫥】咁，通往世外桃源職員：小朋友，喱度唔可以玩

	媽：思捷，黎試下先
	思捷：呀～！媽媽，做咩困住我呀？媽：新car seat黎架，坐車出街用架
	思捷：咁，行得未呀？我仲未換衫喎

	媽：思捷，我地塔船去柏麗灣Uncle Denny度玩呀
	媽：喱度個泳池好靚架思捷：靚就靚，不過Ｄ水好凍喎
	媽：咁我地上返去同謙謙哥哥玩你既新玩具喇火車：Chu Chu! 謙：邊個咁嘈！？

	思捷：好野！又有吹水班玩
	媽：唔係呀，今次去Auntie Josephine度同Adriana游水呀
	思捷：等我仲以為Adriana都報埋同一個吹水班添
	思捷：Adriana，我之前每個禮拜都學吹水，都吹得兩咀架
	Adriana：媽媽，我都想學呀 Auntie Josephine：好呀，我叫公公多Ｄ同你落黎游水

	思捷很喜歡會轉的東西，看似在招呼人，但其實樂在轉轉盤而已，下一個目標就是茶壺，好彩果壺茶已經唔熱

	最近思捷喜歡玩排車，車頭車尾一架貼著一架，諗左好耐，原來佢玩緊扮火車卡，推著一齊行，幾乎每次都放到窗台或檯面玩，方便看到車轆的每一個動作
	至於一些差點被遺忘的玩具，爸爸會為它們添點新意：貼張貼紙在車轆上
	就係咁，舊玩具又有了點賣點，思捷對它愛不釋手

	今日活動豐富，先去Uncle Kenneth同Auntie Ha結婚花仔花女聚餐，思捷只是戥腳；一向喜歡小動物既思捷，很主動摸下小狗
	然後去嘉亨灣club house玩左一陣車
	再到附近葛亮洪號參觀
	話咁快就參觀完，有幾快？
	肯定快過隻蝸牛，然後乾龍皇哥哥仲送左好多玩具畀思捷添
	返到屋企都未坐暖，就要出發去同姨婆食飯，仲有新成員表弟
	你睇，幾熱鬧

	思捷：爸爸你睇，媽媽買條新泳褲畀我學游水，我著得幾有型！
	爸：哦係喎，Ｄ游水尿片剛剛用晒喎，都係用泳褲平Ｄ思捷：吓？因為咁咋～
	媽：順便買埋泳鏡思捷：咁買泳鏡同游水片用晒有無關呀？

	思捷：KEE，你肯定爸爸媽媽去左打波，唔返黎瞓？ KEE：無錯！一百個肯定！
	思捷：好！我地要玩個盡興！由邊度開始好呢？