至於電光火石間，是思捷跌傷，還是媽媽無心落井下石就不得而知了。
| 繼續閱讀... |
2008年10月27日
小心碌落山
2008年10月13日
2008年7月23日
2008年7月22日
BB Ipod Touch
爸爸用的Ipod touch，裡面會有flash card畀思捷回憶事物，有思捷喜歡的兒歌影片，又有一些對大人來說無無謂謂既Apps，但對思捷來講很有趣味的玩意，其中一個是bubbles，如果大家有iphone或ipod touch，可以download個黎無聊一下
Iphone/Ipod touch既簡易操作，連思捷幾個月前已經可以自己揀相睇，撥左撥右都無問題，最近控制小肌肉更得心應手，Unlock，揀自己喜歡Apps，double click，唔滿意就按home button，部機好似係佢咁樣。
講番flash card，我地分開文字和圖片，ipod touch的確方便思捷揀相睇，但亦同時方便佢skip文字，只停留在有興趣的圖片上，例如交通工具，所以ipod touch既flash card都只能夠是一個輔助形式罷了～
圖中既思捷講緊：bubbles!
| 繼續閱讀... |
2008年7月21日
2008年7月20日
2008年7月7日
2008年7月2日
Trouble 1.5
老外有個講法，叫trouble two，形容識行識走既toddler，擁有豐富情感，但唔識講，直情有口難言，你話幾可憐呢，講唔到於是難免發忟憎
思捷本能表達方式卻是“打”，什麼都可以打，一不滿就打，爸爸就為此責罵過幾次，但是發洩也要揾個出路，一味禁也不是辦法，於是就叫思捷有什麼不滿就打個鼓，就係咁打下打下，唔知係思捷識講既說話多左，定係有得發洩心情靚左，總之就打少左，乖左
雖然思捷未夠兩歲，亦未好似trouble two咁四圍倒蛋，系爸爸媽媽心目中，思捷仍是個又乖又可愛的toddler，因為當明白了思捷只不過在這個新世界裡不斷探索，用自己少少知識和經驗去表達時，其實已經做得很好
| 繼續閱讀... |
2008年5月19日
食生果進化論
生果，到目前為止，依然係思捷既最愛，隨著牙仔數量改變，手指靈活改進，可選擇種類增加等，食法玩法變化很大
一歲前，選擇並不多，來來去去都是蘋果，啤梨和皇帝蕉，當然是去皮磨蓉，磨到手都攰，仲要續羹餵，餵完都夠鐘瞓覺；屋企附近少有皇帝蕉，加上思捷不好食蕉，很快就失去興趣。到接近一歲，有六隻牙仔，可以切粒餵，不同的是有了咬口，好玩多了，但思捷懂得爬，要餵完還是很費勁。
一歲開始，手指靈活多了，可以切成薯角般，讓他抓住食，不用餵，心想今終於唔洗餵，但係佢會食食下放舊生果放落梳化或地下，一樣頭痕；思捷懂得行，當然要教他洗手攞口水肩同坐定食及用碟載住，又要教他同人分享，平時自己懶同另一半講唔該Thank you，依家都要做到足，思捷開始有樣學樣，要佢模仿你做易過教佢一千次；講番生果，現在可以食的種類多了，有橙，士多啤梨，藍莓，提子，布冧，西瓜等等，當然蘋果啤梨吸引力減了，新歡自然是士多啤梨蘋果橙藍莓橙，士多啤梨小心洗淨去葉就可以畀佢食，不過小心有寄生蟲，開始變壞是很難從外表分別出來；藍莓很有趣，因為細小，數量多，可以同佢玩請人食遊戲，給他一碗後，就問思捷請一粒，經過幾次訓練，思捷都會請人食一兩粒，仲可以練埋手指細肌肉；至於橙，要去橙衣才敢畀思捷食，又怕他咬不斷，又怕他太依賴，盡量不要低估或過份高估思捷能力一向是個很有趣既遊戲，希望思捷能在快樂的環境中學習成長。
| 繼續閱讀... |
2008年5月10日
2008年4月5日
2008年3月22日
2008年3月21日
有驚無險
 | 思捷：爸媽今晚約左朋友食生日飯，由於時間尚早既關係，我地落左車，媽媽就拖住我行去餐廳，我以比蟻速更慢既速度前進，到落斜地方仲停左落黎，爸媽怕遲到惡習又再發生，最後都係抱我入去 |
 | 爸：思捷今晚好乖，無大吵大鬧，只係有點攰，扭眼瞓，飲很多水 |
 | 爸：返到屋企，用新買的字母地膠切了間屋畀思捷玩 |
 | 爸：思捷一路玩都察覺唔到有咩異樣，一如以往，思捷唔舒服都唔會出聲 |
 | 思捷：吓？乜我發緊高燒咩？ 爸：係呀，乜你唔覺唔妥咩？ |
 | 思捷：有野玩有野睇，無所謂喇 爸：第一時間畀退燒葯佢食，再同佢沖多次涼，夜嗎嗎落街睇下有無退熱貼，不過唔醒起用甘油條 |
 | 爸：好彩退燒退得快，不過就出左幾粒紅點，真係無覺好瞓 思捷：辛苦晒喎 |
| 繼續閱讀... |
2008年3月10日
理財之道
做了父母一年，花在思捷上的金錢不算少，言而金錢有限，慾望無限，對於一個未懂得表達的小朋友來說，好野就自然會用，懶理名牌有多貴，所以，如果產品設計安全的話，買平的就可以了，買了卻不肯用，亦不會很大損失嘛，然後嘗試去理解一下哪裡不喜歡就是了；比較明顯的用品如奶樽、杯、匙羮、玩具等等
講開玩具，思捷對布公仔的興趣不大，膠玩具只喜歡玩其中幾款，而且是最簡單的無電子玩具，我一向認為，這階段的小朋友以探索為樂，所以一個紙盒已令他樂透半天，有時，可以將將要放進垃圾筒或回收筒的物件留給小朋友把玩一會兒，何樂而不為呢
| 繼續閱讀... |
2008年3月9日
曳曳曳曳曳（滿分）
上次畫花梳化曳，不過今次掉爸爸部電話去牆隙就真係好曳，如果五個曳為滿分的話，應該畀滿分佢
思捷拿著電話，爬到床頭，試著將電話靠向牆邊，然後沈默了一會，像是等待爸爸的反應似的，如思捷所願，儍爸爸認真地叫了聲NO!，然後儍爸爸伸手攔截，無錯，儍爸爸，你上當了，就在手差不多到一刻，思捷放手，電話掉落深淵，一處長年無光到的封塵之地
當你認真地訓話時，思捷像是說：什麼？我無做過什麼喎，爸爸你唔見電話不能怪罪於我
儍爸爸只好拿著電筒，小鏡子視察深淵狀況，然後用繩子駁長把一米鐵尺嘗試釣回電話，不幸地，電話平放在深深處，在一個四呎高床頭板下面，沒有床下底這條地道，床側是座接近到雲頂高的衣櫥，一個平放在深淵的電話，簡直恨不得有隔空取物的特異功能，免得我要做搬運工人
深呼吸了一口氣，安置好思捷到食飯檯，儍爸爸就開始清床大行動，才可以移開床架，在一個寬闊得多的空隙裡，都只是僅僅夠位用鐵尺釣回電話
爸爸拿著舖滿千年塵的電話到思捷面前展示時，情形同畫梳化的一模一樣，只要讓他看到罪證，不用罵也不用打，思捷會大喊大叫，證據確鑿，無得底賴
呀，仲要還原張床喎～
| 繼續閱讀... |
2008年3月5日
學識未？
今日爸爸幫思捷換片時，思捷就是拿著原子筆不放，畫到自己的大腿，爸爸就幫他一把，寫個foot到他的腳背上，本來想寫埋手背，可能思捷覺得太酸軟而極力反抗；之後，當媽媽問思捷Where is your foot?時，思捷立即找住寫著foot的腳展示一番
一直以來，思捷不太聽從命令，即使拜拜拍手簡單動作都要看他心情，所以無人知道佢學識未，更勿論會唔會忘記了，希望他真的學會了foot
| 繼續閱讀... |
訂閱：
文章 (Atom)
