小心碌落山

今晚走去同婆婆切蛋糕，可能去既時候思捷見自己上梯級都幾得心應手，回程時行到正街頂梯級邊，自信地用力甩開媽媽隻手，然後再甩開爸爸隻手，想表演落梯級。無錯，就係街知巷聞既正街，由街頂碌落山會經過高街，然後到第三街，再落第二街，好快就去埋第一街同皇后大道西，直出山腳電車路，順利的話碌五條街就會停；我地當然唔會畀喱件事發生喇，所以當思捷踏出第一步，就牛咁眼望實佢，睇住佢右腳踢左腳，冷汗都黎唔切流就要出手；位於較前位置的媽媽立即按住思，電光火石之間，只見被按著在梯級間的思捷頭破血流，爸爸抱住思捷跑回家止血。大家見思捷無大礙都鬆了口氣，反正準備消毒用品要花點時間，不如幫思捷影番幾幅相。
至於電光火石間，是思捷跌傷，還是媽媽無心落井下石就不得而知了。