試過怕怕

喱張相影咩？通常要解話既都唔係咩好相，不過，大家細心睇就留意到思捷識得扶住床邊練習自己企，亦因為咁，我地上星期已經將床板降低了，怕忘了拉高圍欄而跌了下來。

另外，我地在床單下放了吸水墊，避免思捷因為嘔奶而無床瞓，但昨晚思捷偏偏嘔在床角位，所以思捷就出世以黎第一次跟爸媽瞓，看到枕邊的思捷臉蛋，真叫人心軟，想著想著會否每晚都擁在懷裡幻想著幸福日子，往往就是掃興時，這個細小的人仔，霸佔空間真的不少，沒有轉身空間，怕壓到思捷，又怕冷氣太凍，再怕被焗到，更怕他瞓得差而呱呱大叫；結果思捷大覺瞓，爸爸無覺好瞓，仲要晨早被思捷拍醒，他不厭其煩地拍你的臉，像是揾人陪佢玩～

直到我看到思捷張床仔回復正常，心中充滿欣喜！不用再和這小霸王掙床瞓，可以安安落落地約周公傾閒計，真好！