以思捷為例，飲奶飽佢會封咀，食粥就唔知飽字點寫，所以要小心安排份量；可能你會話，佢鐘意食粥，咪畀多Ｄ粥佢食囉；喱個只不過將問題過份簡單化，一般ＢＢ會系五個月大開始厭食奶，但又未必會喜歡食粥，好彩思捷系四個月時就喜歡食粥，不過即使加上營養米粉，白粥仍然無足夠營養去代替奶，而蔬果肉之類要就住ＢＢ消化系統發展而慢慢加進粥仔，一發現有敏感徵狀就要停，等到ＢＢ大一點再試。
既然要餵粥仔，份量幾多為之足夠？安排在什麼時間食？我們先定義為學習吞嚥的零食，每日半餐，在中午食奶前後，思捷可在玩耍時消化掉，所以我們不會在夜晚睡前給思捷。
直到思捷能夠接受到的蔬果肉種類漸多時，從粥仔獲得營養不瞬於飲奶，粥仔就能夠變成正餐，由一日一餐加到中午及旁晚兩餐，奶減至三餐，調整份量需時，因為思捷唔會話食粥太飽而唔飲奶；現在思捷的粥仔一般都有肉有菜，肉類如雞肉、三文魚肉、豬肉，菜有西蘭花、鮮百合、節瓜、青豆、紅蘿蔔、菜心之類，還有生果呢。
現在思捷長高比長肉來得快，還好體重有增長，未至於很擔心，在街上看到一個二個米芝蓮ＢＢ，我心裡想「算了吧～思捷都很健康可愛呢！」，個個ＢＢ都唔同，無得比
0 留言:
發佈留言