失禮

今日總動員去飲思捷表姨表姨丈結婚之喜，經過上一次老鼠樂園的飲宴，應該問題不大，何況思捷無以前咁怕陌生人，對住靚女更會以最佳狀態示人；可惜，一切都唔到你話事，佢一見到班熱情的親戚就喊喊喊，而且仲萬試萬靈，無計；諗住思捷眼瞓心情差Ｄ，點知噯極唔瞓；玩左成晚，爸媽無得安安樂樂食番餐。

可能地方太暗，可能個喇叭太近，可能親戚太熱情，可能太多人行黎行去，可能太多閃光燈～，太多可能。

第二朝，一切回復正常，思捷可能太攰瞓到好晏，爸爸走去同佢訓話，唔知佢識唔識聽，不過見佢反應，好似想話你知，返到屋企真係好！

相關日事：

迪士尼外星人

準表姨丈